“ਮੈਂ” ਹਟਾ ਦਿਉ, ਸਾਰੀ ਦੁਨੀਆਂ ਰੱਬ ਦਾ ਰੂਪ ਦਿਸੇਗੀ

Humbly request you to share with all you know on the planet!

“ਮੈਂ” ਰੂਪੀ ਅਸ਼ੁਧ “ਹਉਮੈ” ਦਾ ਤਿਆਗ ਕਰਕੇ ਅਸੀਂ ਸਾਰੇ ਬ੍ਰਹਿਮੰਡ ਵਿੱਚ ਪਰਮਾਤਮਾ ਦੇ ਪਵਿੱਤਰ ਪ੍ਰਤੀਬਿੰਬ ਦੇ ਦਰਸ਼ਨ ਕਰ ਸਕਦੇ ਹਾਂ । “ਹਉਮੈ” ਦੀਰਘੁ ਰੋਗ ਹੈ, ਸਭ ਤੋਂ ਭੈੜੀ ਘਾਤਕ ਬੀਮਾਰੀ ਹੈ। ਇਹ ਸਭ ਤੋਂ ਵਡੀ ਅਸ਼ੁੱਧਤਾ ਹੈ । ਪਵਿੱਤਰ ਦਿਲ ਸਾਰੇ ਬ੍ਰਹਿਮੰਡ ਨੂੰ ਪਵਿੱਤਰ ਦ੍ਰਿਸ਼ਟੀ ਨਾਲ ਦੇਖਦਾ ਹੈ । ਆਪਣੇ ਆਪ ਵਿੱਚ “ਹਉਮੈ” ਦਾ ਹੋਣਾ ਭਰਮ ਅਤੇ ਦੋਗਲੇਪਣ ਨੂੰ ਜਨਮ ਦਿੰਦਾ ਹੈ । ਇਹ “ਹਉਮੈ” ਦੀ ਬੁਰਾਈ ਨੂੰ ਦੂਰ ਕਰਕੇ ਸਾਰਾ ਸੰਸਾਰ ਅਲੋਕਿਕ ਬਣ ਜਾਂਦਾ ਹੈ ਅਤੇ ਹਰ ਵਿਅਕਤੀ ਸਾਰੀ ਸ੍ਰਿਸ਼ਟੀ ਵਿੱਚ ਸਰਬ ਵਿਆਪਕ ਸਚਾਈ ਨੂੰ ਦੇਖਦਾ ਹੈ। ਇਸੇ ਤਰ੍ਹਾਂ ਭਾਈ ਨੰਦ ਲਾਲ ਜੀ ਅਤੇ ਭਾਈ ਘਨਈਆ ਜੀ ਨੇ ਹਰੇਕ ਵਿਅਕਤੀ ਵਿੱਚ ਸਰਬ-ਵਿਆਪਕ ਪਿਆਰੇ ਸ੍ਰੀ ਗੁਰੂ ਗੋਬਿੰਦ ਸਿੰਘ ਸਾਹਿਬ ਜੀ ਨੂੰ ਦੇਖਿਆ ਅਤੇ ਭਗਤ ਨਾਮ ਦੇਵ ਜੀ ਨੇ ਆਪਣੇ ਪਿਆਰੇ ਗੋਬਿੰਦ ਦੇ ਸਭ ਦੇ ਵਿੱਚ ਦਰਸ਼ਨ ਕੀਤੇ ।

ਮਾਇਆ ਅਤੇ ਹਉਮੈ ਦੇ ਪਰਦੇ ਨੂੰ ਉਠਾ ਕੇ ਆਪਣੇ ਸੱਚੇ ਵਿਅਕਤੀਤਵ ਨੂੰ ਪਛਾਣੋ ।
ਬਾਬਾ ਨਰਿੰਦਰ ਸਿੰਘ ਜੀ ਨੇ ਅੱਗੇ ਇਹ ਫੁਰਮਾਇਆ:
1. ਹਉਮੈ ਹੀ ਨਰਕ ਹੈ ਤੇ ਵਿਅਕਤੀ ਇਸ ਹਉਮੈ ਦੇ ਵਿੱਚ ਹੀ ਨਰਕ ਨੂੰ ਭੋਗ ਰਿਹਾ ਹੈ ।
2. ਹਉਮੈ ਹੀ ਭਵਸਾਗਰ ਹੈ ਅਤੇ ਇਸ ਹਉਮੈ ਦੇ ਭਵਸਾਗਰ ਵਿੱਚ ਹੀ ਇਨਸਾਨ ਡੁੱਬ ਕੇ ਜੰਮਣ ਮਰਨ ਦੇ ਗੇੜ ਵਿੱਚ ਪਿਆ ਰਹਿੰਦਾ ਹੈ ।
3. ਹਉਮੈ ਹੀ ਪਾਪ ਹੈ - ਬਾਕੀ ਸਭ ਕੁਝ ਪੁੰਨ ਹੈ ।
4. ਹਉਮੈ ਹੀ ਝੂਠ ਹੈ - ਬਾਕੀ ਸਭ ਕੁਝ ਸੱਚ ਹੈ । ਆਪਣੀ “ਮੈਂ” ਨੂੰ ਹਟਾ ਦਿਉ ਸਭ ਕੁਝ “ਤੂੰ” ਹੀ ਨਜ਼ਰ ਆਵੇਗਾ ।
5. ਜੀਵਨ ਯਾਤਰਾ “ਮੈਂ” ਤੋਂ ਸ਼ੁਰੂ ਹੁੰਦੀ ਹੈ, ਜੇ “ਤੂੰ” ਤੇ ਖਤਮ ਹੋ ਜਾਏ ਤਾਂ ਸੋਲ ਹੈ।