ਨਾਮ
ਪਰਮਾਤਮਾ ਦਾ ਇਲਾਹੀ ਨਾਮ “ਗਗਨ ਮਈ ਸੰਗੀਤ” ਹੈ, ਇਹ ਬ੍ਰਹਿਮੰਡ ਦਾ ਇਲਾਹੀ ਸੰਗੀਤ ਹੈ, ਇਹ ਅਨੰਤ ਸੰਗੀਤ ਹੈ । ਇਹ ਆਤਮਾ ਨੂੰ ਅਨੰਦਿਤ ਕਰਨ ਵਾਲਾ ਸੰਗੀਤ ਹੈ ।
ਸ੍ਰੀ ਗੁਰੂ ਗ੍ਰੰਥ ਸਾਹਿਬ (ਜੋ ਕਿ “ਨਾਮ ਕੇ ਜਹਾਜ਼” ਹਨ) ਵਿੱਚ ਅਦਭੁੱਤ ਮੇਲ ਵਿੱਚ ਸਾਰੇ ਰਾਗ ਆਤਮਿਕ ਰੂਪ ਨਾਲ ਪਰਿਪੂਰਣ ਇਲਾਹੀ ਨਾਮ ਦੀ ਸ਼ਾਨ ਦੀ ਉਸਤਤੀ ਕਰਦੇ ਹਨ । ਬ੍ਰਹਿਮੰਡੀ ਇਕਸੁਰਤਾ ਅਤੇ ਪਿਆਰ ਵਿੱਚ ਇਹ ਬ੍ਰਹਿਮੰਡੀ ਸੰਗੀਤ ਸਭ ਜੀਵਾਂ ਨੂੰ ਪਵਿੱਤਰ ਅਤੇ ਇਲਾਹੀ ਸੰਗੀਤ ਲਹਿਰਾਂ ਵਿੱਚ ਘੇਰ ਲੈਂਦਾ ਹੈ । ਇਲਾਹੀ ਨਾਮ ਦੇ ਬਰਾਬਰ ਇਸ ਸੰਸਾਰ ਵਿੱਚ ਕੁਝ ਵੀ ਨਹੀਂ ਹੈ ।
ਸਾਰੀ ਚੱਲ ਅਤੇ ਅਚੱਲ ਸ੍ਰਿਸ਼ਟੀ ਨਾਮ ਦੀ ਸ਼ਕਤੀ ਦੀ ਹੀ ਉਪਜ ਹੈ। ਸੰਸਾਰ ਦੇ ਸਾਰੇ ਤੱਤ ਜਿਨ੍ਹਾਂ ਵਿੱਚ ਪ੍ਰਕ੍ਰਿਤੀ ਵੀ ਸ਼ਾਮਲ ਹੈ, ਨਾਮ ਦੀ ਸ਼ਕਤੀ ਨਾਲ ਹੀ ਜੁੜੇ ਹੋਏ ਹਨ ।
ਪਰਮਾਤਮਾ ਅਤੇ ਉਸ ਦਾ ਨਾਮ ਸਮਰੂਪ ਹੈ, ਉਹ ਇੱਕੋ ਹੀ ਹਨ। ਇਸ ਕਲਯੁਗ ਵਿੱਚ ਇਲਾਹੀ ਨਾਮ ਸਰਬ ਸ਼ਕਤੀਮਾਨ ਹੈ । ਇਲਾਹੀ ਨਾਮ ਨੂੰ ਸਿਮਰਨ ਨਾਲ ਵੱਡੇ ਤੋਂ ਵੱਡੇ ਪਾਪੀ ਵੀ ਇਕ ਪਲ ਵਿੱਚ ਮੁਕਤੀ ਪ੍ਰਾਪਤ ਕਰ ਲੈਂਦੇ ਹਨ ।
ਨਾਮ ਇੱਛਾ ਪੂਰਤ ਬਿਰਛ (ਪਾਰਜਤ) ਅਤੇ ਕਾਮਧੇਨੁ (ਗਾਂ) ਹੈ । ਸੌਂਂਦੇ, ਜਾਗਦੇ ਕਿਸੇ ਵੀ ਅਵਸਥਾ ਵਿੱਚ ਨਾਮ ਨੂੰ ਧਿਆਇਆ ਜਾ ਸਕਦਾ ਹੈ। ਹਉਮੈਂ ਅਤੇ ਇਲਾਹੀ ਨਾਮ ਦੀ ਇਕੱਠੀ ਹੋਂਦ ਨਹੀਂ ਹੋ ਸਕਦੀ ਕਿਉਂਕਿ:
ਹਉਮੈਂ ਅਪਵਿੱਤਰ ਹੈ ਜਦ ਕਿ ਇਲਾਹੀ ਨਾਮ ਸਰਬ ਸ੍ਰੇਸ਼ਟ ਪਵਿੱਤਰਤਾ ਹੈ ।
ਹਉਮੈਂ ਝੂਠ ਹੈ ਜਦ ਕਿ ਇਲਾਹੀ ਨਾਮ ਅਮਰ ਸੱਚ ਹੈ ।
ਹਉਮੈਂ ਅਸੱਤ ਹੈ ਜਦ ਕਿ ਇਲਾਹੀ ਨਾਮ ਪੂਰਨ ਸੱਤ ਹੈ ।
ਹਉਮੈਂ ਮੌਤ ਹੈ ਜਦ ਕਿ ਇਲਾਹੀ ਨਾਮ ਸਦੀਵਤਾ ਹੈ ।
ਹਉਮੈਂ ਦੇ ਇਸ ਭਿਆਨਕ ਰੋਗ, ਹਉਮੈਂ ਰੂਪੀ ਦੀਰਘ ਰੋਗ ਲਈ ਨਾਮ ਇਲਾਹੀ ਉਪਚਾਰ ਹੈ ।