ਗੁਰਮੁੱਖ ਦੀ ਸੁਗੰਧੀ, ਗੁਰਮੁੱਖ ਦੀ ਖ਼ੂਬਸੁਰਤੀ ਕੀ ਹੈ?
ਗੁਰਮੁੱਖ ਦੀ ਸੁਗੰਧੀ ਕੀ ਹੈ ?
ਗੁਰਮੁੱਖ ਦਾ ਤੇਜ, ਪ੍ਰਕਾਸ਼, ਗੁਰਮੁੱਖ ਦੀ ਖ਼ੂਬਸੂਰਤੀ ਕੀ ਹੈ ?
ਗੁਰਮੁੱਖ ਦੀ ਭਾਵਨਾ ਨੂੰ ਕਿਸ ਪ੍ਰਕਾਰ ਫਲ ਲੱਗਦੇ ਹਨ?
ਪਿਤਾ ਜੀ ਇਹ ਦਸਦੇ ਹੋਏ ਅੱਗੇ ਕਹਿਣ ਲੱਗੇ-
ਜੁਗੁ ਜੁਗੁ ਰਹੀ ਸਮਾਇ॥
ਜਿਹੜੀ ਭਾਵਨਾ ਗੁਰਮੁੱਖ ਆਪਣੇ ਗੁਰੂ ਪਾਰਬ੍ਰਹਮ ਵਾਸਤੇ ਲਈ ਬੈਠਾ ਹੈ, ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਤੇ ਲਈ ਬੈਠਾ ਹੈ, ਗੁਰੂ ਨਾਨਕ ਪਾਤਸ਼ਾਹ ਤੇ ਲਈ ਬੈਠਾ ਹੈ ਉਹ ਕਿਹੜੀ ਨਿਰੰਕਾਰ ਭਾਵਨਾ, ਨਿਰੰਕਾਰ ਦ੍ਰਿਸ਼ਟੀ ਹੈ। ਜਿਸ ਤਰ੍ਹਾਂ ਗੁਰੂ ਨਾਨਕ ਪਾਤਸ਼ਾਹ ਪਾਸ ਜਿਹੜਾ ਵੀ ਜਿਸ ਭਾਵਨਾ ਨਾਲ ਗਿਆ ਹੈ ਉਸਦੀ ਭਾਵਨਾ ਨੂੰ ਉਸੇ ਤਰ੍ਹਾਂ ਹੀ ਭਾਗ ਲੱਗੇ ਹਨ।
ਨਾਨਕ ਗੁਰਮੁਖਿ ਵਿਰਲਾ ਕੋਇ॥
ਇੱਕ ਗੁਰਮੁੱਖ ਦੀ ਨਿਰੰਕਾਰ ਦ੍ਰਿਸ਼ਟੀ, ਨਿਰੰਕਾਰ ਭਾਵਨਾ ਨੂੰ ਫਿਰ ਜਿਸ ਤਰ੍ਹਾਂ ਭਾਗ ਲੱਗਦੇ ਹਨ... ਫਿਰ ਪਿਤਾ ਜੀ ਕਹਿਣ ਲੱਗੇ-
ਬ੍ਰਹਮ ਗਿਆਨੀ ਪਰਉਪਕਾਰ ਉਮਾਹਾ॥
ਬ੍ਰਹਮ ਗਿਆਨੀ ਸਗਲ ਕੀ ਰੀਨਾ॥
ਆਤਮ ਰਸੁ ਬ੍ਰਹਮ ਗਿਆਨੀ ਚੀਨਾ॥
ਜਿਸ ਨਿਮਰਤਾ ਦੇ ਵਿੱਚ, ਜਿਸ ਗਰੀਬੀ ਵਿੱਚ ਜੋ ਸੰਸਾਰ ਤੇ ਪਰਉਪਕਾਰ ਕੀਤੇ ਹਨ। ਜੋ ਉਹਨਾਂ ਨੇ ਗੁਰੂ ਅਰਜਨ ਪਾਤਸ਼ਾਹ ਦੇ ਬਚਨਾਂ ਨੂੰ ਪ੍ਰਤੱਖ ਕੀਤਾ ਹੈ।
ਵਾਹੁ ਵਾਹੁ ਬਾਣੀ ਨਿੰਰਕਾਰ ਹੈ॥
ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਵਿੱਚੋਂ ਨਿਰੰਕਾਰ ਨੂੰ ਪ੍ਰਤੱਖ ਪ੍ਰਗਟ ਕਰਕੇ ਦਿਖਾਇਆ ਹੈ, ਕੀ ਮਜ਼ਾਲ ਹੈ ਰੱਤੀ ਭਰ ਵੀ ਮਾਣ ਆਪਣੇ ਉਪਰ ਲਿਆ ਹੋਵੇ। ਜੋ ਕੁੱਝ ਕੀਤਾ ਹੈ ਗੁਰਮੁੱਖ ਬਣ ਕੇ ਕੀਤਾ ਹੈ, ਗੁਰੂ ਬਣ ਕੇ ਨਹੀਂ ਕੀਤਾ। ਜੋ ਵੀ ਦਾਤਾਂ ਲੁਟਾ ਗਏ, ਬਖਸ਼ਿਸ਼ਾਂ ਕਰ ਗਏ, ਇਸ ਸੰਸਾਰ ਨੂੰ ਮਹਿਕਾ ਗਏ ਹਨ ਪਰ ਕੀ ਮਜ਼ਾਲ ਹੈ ਆਪਣਾ ਨਾਮ ਤੱਕ ਵੀ ਵਿੱਚ ਆਉਣ ਦਿੱਤਾ ਹੋਵੇ। ਸਾਹਿਬ ਸਭ ਕੁੱਝ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਤੇ ਗੁਰੂ ਨਾਨਕ ਪਾਤਸ਼ਾਹ ਦੇ ਨਾਮ ਤੇ ਲੁਟਾ ਗਏ ਹਨ।
ਬਾਬਾ ਨਾਨਕ ਬਖਸ਼ ਲੈ ।।